Lub neej muaj yeej

Lub neej muaj yeej yog lub neej muaj Vajntsujplig

"Qhov chaw uas kuv yuav mus ntawd, nimno koj nrog kuv mus tsis tau, tiamsis lwm hnub koj mam li lawv kuv qab los"

(Yauhas 13:36)

Tswv Yexus Khetos hais rau Petus tias "Neb cia li nrog kuv mus..." (Mathais 4:19)
Lub sijhawm ntawd Petus cia li nrog Yexus mus. Vim tias Petus pom tau tias Yexus yog tus xihwb qhia Vajtswv lus zoo, tiab nws muaj hwjchim loj dua coj thawjcoj.
Petus nrognraim Tswv Yexus tau 3 xyoo. Nws pom Yexus ua ntau yam tshwmsim tseemceeb. Petus tus kheej teb hais tias Yexus yog Vajtswv.

Yexus nug lawv hais tias, "Nej ne, nej ho hais tias kuv yog leejtwg?"
Ximoos Petus teb hais tias, "Koj yog tus Mexiyas uas yot Vajtswv tus uas muaj sia nyob tus tub." (Mathais 16:15-16) Tiamsis thaum txog lub sijhawm ua nyuaj, Petus kov tsis yeej
(nyeem txhiv Mathais 26:31-35, 69-75)

Kev ntseeg Tswv Yexus Khetos yog zoo li Petus lub neej thawj tsis txaus.
Kev ntseeg Tswv Yexus Khetos rawm li peb paub xwb yeej tsis txaus li.
Peb cov ntseeg yog peb xav kov yeej txhua yam. Peb yuav tsum muaj Tswv Yexus tus Ntsujplig.

Tswv Yexus Khetos yeej puab lawm tias Petus tsis muaj zog kov yeej tau kev nyuaj (lub sijhawm Yexus raug ntem). Tiamsis nws paub ua ntej tias muaj ib hnub Petus yauv kov yeej.
"Qhov chaw uas kuv yuav mus ntawd, nimno koj nrog kuv mus tsis tau, tiamsis lwm hnub koj mam li lawv kuv qab los" (Yauhas 13:36)

Thaum Yexus Khetos sawv hauv qhov tuag rov los. Tswv Yexus Khetos tshwm rau nws cov thwjtim pom tiab hais rau lawv tias, "Nej cia li txais yuav Vaj Ntsujplig Tus Dawbhuv."

Kev paub Tswv Yexus ntau zaug ua rau peb saib hlob peb tus kheej. Ntau zaug ua nrib kev nyuaj siab, peb nco qab Tswv Yexus.

Peb cov ntseeg, kev kawm paub Tswv Yexus xwb yeej tsis txhaus. Peb yuav tsum tau txais yuav Vaj Ntsujplig Tus Dawbhuv. Peb tiaj yuav kov yeej txhua yam tshwmsim hauv peb lub neej.

Lub sijhawm kuv sau zaj no. Kuv thov Vajtswv tias, "Vajtswv kuv thov koj pub Vaj Ntsujplig Tus Dawbhuv rau kuv."

Kev Ntseeg Vajtswv

Henplais 11:8
Twb yog vim Anplahas ntseeg, thaum Vajtswv kom Anplahas tawm mus nyob lub tebchaws uas Vajtswv coglus tseg hais tias Vajtswv yuav muab pub rau nws, nws thiaj mloog Vajtswv lus. Anplahas tawm hauv nws lub tebchaws mus, tiamsis nws tsis paub hais tias xyov nws yuav mus qhov twg.

Peb cov ntseeg Tswv Yexus Khetos, kev ntseeg Vajtswv muaj 3 yam tseem ceeb.
1. Vajtswv lus cog cia
2. Kev ntseeg Vajtswv
3. Kev mloog Vajtswv lus

Vajtswv Lus Cog Cia: Peb us neej nyob ntiajteb no,pib nrhiav ib tug uas peb ro siab tau. Peb pom tau tias txhua zaj nam hais txog kev cia siab. Tiamsis thaum kawg tsis muaj tus cia siab tau. Tus txiv neej cog lus hlub tus pojniam, muaj ib hnub nws ntxeev siab.

"Vajtswv tsis zoo li tej neeg uas pheej hais lus dag: Nws tsis yog tus uas pheej yuav hloov siab. Nws cog lus li cas, nws yeej ua li ntawd; nws hais li cas, yeej muaj li nws hais: (Teev npe 23:19)

Vajtswv tsis dag. Vajtswv tsis hloov siab. Vajtswv coglus, Vajtswv ua tsaws lus cog. Vajtswv hais, Vajtswv ua kom mauj li nws hais.

Kev ntseeg Vajtswv: Vajtswv cog lus rau Anplahas. (Chivkeeb 12:2-3) Anplahas ntseeg Vajtswv. Kev ntseeg Vajtswv yog ib yam ua yuaj heev kawg nkaus. Vim Vajtswv yog Ntujplig. Peb qhov muag pom tsis tau Vajtswv. Kev ntseeg Vajtswv yog siv lub siab ntseeg. Kev ntseeg yog yam uas yus ruaj siab rau Vajtswv.

"Kev ntseeg yog qhov uas peb paub tseeb hais tias peb yuav tau tej uas peb cia siab rau thiab yog qhov uas peb cia siab ntsoov rau tej uas peb qhov muag tsis pom" (Henplais 11:1)

Anplahas ntseeg Vajtswv, tab yog nws tsis pom yav tomntej los nws ntseeg ruaj nyob rau hauv nws siab.

Kev mloog Vajtswv lus: lo lus "mloog lus" yog sawv cev ua. Kuv tus tub hlob 5 xyoo, thaum kuv hais rau nws tiam "Tub mus ntxuav tes." Kuv hais 3 zaug los nws yeej tsis mus lu. Suav tau tiam nws tsis mloog lus.
Kev mloog lus yog sawv cev ua raws li lo lus uas hnov.
Anplaha mloog Vajtswv lus vim yog nws sawv cev ua raws li Vajtswv hais. Peb cov ntseeg, muaj yam dabsi ua Vajtswv hais rau peb. Thov peb mloog lus, cia li sawv ce ua raws li nws hais.

Saib Ntsoov Tswv Yexus Khetos 2

Filipis 1:21-26
Thaum kuv tseem ua neej nyob no, kuv nrog Yexus Khetos koom ib txojsia, thaum kuv tuag los kuv yeej yuav mus nrog Yexus Khetos nyob. Kuv xav mus nrog yexus Khetos nyob, tiamsis yog kuv tes haujlwm hauv ntiajteb no tseem muaj nqis, yog li ntawd kuv tsis paub hais tias xyov kuv yuav xiav txoj twg thiaj li zoo. Kuv ua ob lub siab. Kuv muaj ib lub siab xav tso lub ntiajteb no tseg thiab mus nrog Yexus Khetos nyob ntshai yuav zoo dua; Tiamsis yog kuv nyob pab nej yuav muaj nqis rau nej heev. Thaum kuv paub tseeb li no lawm, kuv thaij xav hais tias kuv yuav tsum nrog nej nyob pab nej, kom nej zoo siab rau tej uas nej twb ntseeg lawm, yog li ntawd thaum kuv rov qab tuaj nrog nej nyob, nej cov uas ntseeg Yexus Khetos, net yuav zoo siab kawg li.

Tshooj 21:
Peb cov ntseeg, peb yuav tsum saib ntsoov Tswv Yexus Khetos. Vim Tswv Yexus Khetos pub nws lub neej rau peb. Peb tiaj tau txojsia nyob mus ib txhim. Paulus hais tiam "kiv nrog Yexus Khetos koom ib txojsia. Tsis hais thaum muaj neej nyob hauv ntiajteb no los thaum tag simneej hauv ntiajteb no lawm. Paulus hais tiam "thaum kuv tuag log kuv yeej yuav mus nrog Yexus Khetos nyob.

Tseeb tiag peb cov ntseeg, peb muaj txojsia nyob tsis hais lub sijhawn no los yav tomntej. Thaum peb nyob ntiajteb peb nrog Yexus Khetos koom ib txojsia. Thaum peb tuag los peb mus nrog Yexus Khetos nyob. Peb cov ntseen, peb yuav tsum saib ntsoom Tswv Yexus.

Tshooj 22-26
Peb cov ntseeg, peb yuav tsum saib ntsoov Tswv Yexus Khetos. Vim Tswv Yexus Khetos tes haujlwm nyob ntiajteb muaj nqis heev. Thaum tag ntiajteb, muaj 3 yam ua yuav nyob musli.
1. Vajtswv
2. Vajtswv lo lus
3. Ntsujplig (cov ntseeg ntsujplig)
Paulus paub tias nws tes haujlwm nyob ntiajteb muaj nqis heev. Hauv nws siab, nws yeej xav mus nrog Tswv Yexus Khetos nyob tamsiv ua ntseeg. Tiamsis Tswv Yexus Khetos muab tes haujlwm rau nws ua. Paulus ua haujlwm tiab saib ntsoov Tswv Yexus Khetos.

Peb cov ntseeg, peb siab ntsoov Tswv Yexus Khetos thaum peb ua nws tes haujlwm. Yog peb xav tau lino. Peb tes haujlwm yeej muaj nqis heev. Tiab peb yuav muaj zog ua Tswv Yexus tes haujlwm. Kuv xav kom peb paub tiab cia siab tias thaum peb tau mus nrog Tswv Yexus Khetos nyob. Peb yeej yuav tau txais ... los ntawm Tswv Yexus Khetos.

Saib Ntsoov Tswv Yexus Khetos

Saib Ntsoov Tswv Yexus Khetos

Filipis 1:18-20
Txawm yog lawv muaj lub siab ncaj qhia lossis tsis muaj los kuv yeej tsis poob siab li. Tsuav yog lawv qhia Yexus Khotos zaj rau txhua qhov xwb, ces kuv yeej zoo siab lawm. Thiab kuv yuav niaj hnub zoo siab, rau qhov kuv paub hais tias vim nej thov Vajtswv pab kuv,  thiab vim Yexus Khetos tus Ntsujplig pab kuv, luag yeej yuav tso kuv tawm hauv tsev lojcuj xwb. Rau qhov kuv yeej cia siab hais tias Vajtswv yuav pab kom kuv tsis ua ib yam dabtsi rau kuv txajmuag li. Nws yuav pab kom kuv muaj lub siab tawv qhia tsis hais nimno lossis thaum twg li, kuv lub neej thiaj yuav ua rau Yexus Khetos tau ntsejmuag.

Lus txhawb nqa
Tshooj 18:
Peb cov ntseeg, peb yuav tsum saib ntsoov Tswv Yexus Khetos. Thaum peb muaj lub siab zoo li Paulus. Ces peb yuav pom tau tias tsis hais leejtwg ua dabtsi uas hais txog Tswv Yexus Khetos. Peb yeej yuav zoo siab heev. Vim peb saib ntsoov Tswv Yexus Khetos. Peb yeej xav pom coobleej los ua Vajtswv tes haujlwm. Qhov tseem ceeb yog txhua leej txhua tus qhia Tswv Yexus Khetos zaj rau txhua qhov xwb, ces peb yeej zoo siab heev hawm.

Tshooj 19:
Peb cov ntseeg, peb yuav tsum saib ntsoov Tswv Yexus Khetos. Vim yog Tswv Yexus Khetos yog peb qhov chaw dim. Peb yuav tau txais kev pab yeej los ntawm Tswv Yexus Khetos los tiag. Yog li peb yuav tsum paub tseeb tias Vajtswv yog tus pab peb, thiab vim Tswv Yexus Khetos tus Ntsujplig pab peb. (Mathais 28:20 hais tias "... thiab kuv yuav nrog nraim nej mus tsog hnub uas lub ntiajteb no kawg."- Yexus tus Ntsujplig nrog nraim peb)

Thaum peb ntsib kev nyuaj siab, kev tsim txom peb cov ntseeg ib tug yuav tsum thov Vajtswv pab ib tug. Paulus puab tseeb tias pawg ntseeg thov Vajtswv rau nws ces nws yeej yuav tau txais kev pab dim. Vim Vajtswv cog lus tias thawm pawg ntseeg koom siab thov Vajtswv, nws yuav teb.

Tshooj 20:
Peb cov ntseeg, peb yuav tsum saib ntsoov Tswv Yexus Khetos. Vim tsis muaj ib yam dabtsi uas yuav ua kom peb txajmuag ntau tshaj Tswv Yexus Khetos tuag saum ntoo nkhaub lig. Nws yeej tsis ua ib yam dabtsi kom peb tsajmuag li. Peb cov ntseeg peb yuav tsum tsis ua ib yam dabtsi tshuav Tswv Yexus Khetos ntsejmuag thiab. Ntau tshaj ntawv peb yuav tsum ua txhua yam kom Tswv Yexus Khetos tau ntsejmuag. Peb cov ntseeg thov peb saib ntsoov Tswv Yexus Khetos.

Paulus sau tsab ntawv no sa mus rau cov neeg Filipis uas yog thawj pawg ntseeg uas Paulus tsa nyob rau sab Yulaupis, hauv Makedaunias uas yog cov neeg Loos ib lub xeev. Paulus sau tsab ntawv no thaum nws tseem raug kaw rau hauv tsev lojcuj. Paulus siab ntsoov nws tus Tswv, ua yog tus Tswv Yexus Khetos.
Peb cov ntseeg, Tswv Yexus Khetos yog peb chaw vam, chaw dim. Dhau Tswv Yexus Khetos peb yeej tsis muaj leejtwg lawm. Thov peb saib ntsoov Tswv Yexus Khetos.

Lus thov: Tswv Yexus Khetos, hnub no kuv thov saib ntsoov koj. Vim koj yog kuv lub chaw vam, chaw dim. Kuv thov saib ntsoov koj. Amem.

go togethe grow together

3hmoob blog
Kuv pe yog Xyooj xeem Yaj, nyob Thaibteb, ChaingMai.
Kuv yog ib tug Xibhwb ua tes haujlwm rau neeg Thaib, nyob hauv lub tuamtsev hu ua Hangdong Grace Church, ChaingMai, Thaibteb. Kuv yuav pojniam xyoo 2001. Tamsis no tau 2 tus tub lawm.

kuv zoo siab tau qhi lub blog no los sis tham txog kev ntseeg Tswv Yexus.
3hmoob yog lub blog txhawb nqa kev ntseeg Tswv Yexus. Lub chaw nyob hu ua 3hmoob. blogspot.com.
Vam siab tiam kuv yuav pab tau peb kev ntseeg txog Tswv Yexus. Taug kev ntseeg ua ke, loj hlob ua ke.